قصيده زنجيل جميله

قصيده زنجيل انه مجنون // وخلهم يلومون

امي وصتني ابقه الك خادم
*********
شديت الاحزام ودموعي تجري
وانه بالكماط كلتلها ابشري
يايمه الحسين وي دمي يسري
راح الطم اعليه واخسفله صدري

جيبيلي زنجيل // وخليني ادك حيل
انه بمحبتك سيدي هايم
******************
كمت اسهر الليل وكتب هواجس
وبدمي افديك علمني عابس
عز الله تهواك حته النوارس
وماكو احله يحسين من المجالس

دك كلبي دكات // وخط العبارات
اعليك تحسدني كامت الوادم
***********
من زغري واهواك يا اغله محبوب
واشما اوافيك ابقه انه مطلوب
من عشكي يحسين صدكني ما توب
بين الحضرتين سري انه مذبوب

ميت عشك بيك // واتمنه احاجيك
كل كلب عاشك صورتك راسم
*******************
الزهره يكولون عاجبها لطمي
وانه للحسين نذرتني امي
كالولي ينساك وماريد اسمي
وكلتلهم حسين ما ينسه اسمي

انته اميري // وروحي وضميري
ومنهد جرحك جرحي ما نايم
**********
خليني اواسيك وابجيلك العين
لو ما خدمتك ما اسوه فلسين
احد عبيدك سجلني يحسين
بالدنيه مثلك الكه بعد وين

شفت المناره ودمعي تجاره
شاهدت يمك بدر التمايم
***********
حكي احزن اعليك والبسلك اسود
غيرك بالحساب يوكفلي محد
لو تعرف اشواك شايلك اشكدبعيوني يحسين رسمك تخلد

لو مرني عاشور // اذبحلك انذور
وكبرك يغالي اوصله لازم
**********

Share on Facebook Share on Twitter Share on Google Plus

About Unknown